Sunday, October 30, 2016

दिवाळी अंक , 2016




आपल्या मराठी भाषेत दरवर्षी सुमारे 350 दिवाळी अंक निघतात. मराठीची ही श्रीमंती अन्य भाषेत क्वचितच असेल.
यातले सुमारे 50% अंक जरी नेहमीचा रतिब घालणारे आणि केवळ जाहिराती मिळवण्यासाठी काढलेले सुमार अंक असले तरी उर्वरित 50% तले बरेचसे बरे तर किमान 10% अतिशय दर्जेदार असतात. दरवर्षी असे किमान 30-35 अंक हाती लागले की दिवाळी मजेत, अगदी सुखात जाते.
यावर्षीच्या दिवाळी अंकात मला सर्वाधिक आवडलेला अंक म्हणजे "ऋतुरंग"
माझे मित्र अरूण शेवते यांनी संपादित केलेला हा 24 वा दिवाळी अंक म्हणजे अगदीच भारी झालाय. शंभर नंबरी. या "मी आणि माझे वडील विशेषांक" यात गुलजार, जावेद अख्तर, विद्या बालन, मुक्ता बर्वे, राजीव खांडेकर, लता मंगेशकर, जानराव प्रकाशराव जानुमल [जोनी लिव्हर], नागराज मंजुळे, मनोज जोशी, शोभा डे, अमृता सुभाष, संदिप वासलेकर, सदानंद मोरे, सिसिलिया कार्व्हालो, ज्ञानेश्वर मुळे आदींचे एकुण 27 लेख आहेत. अतिशय झकास.
मला पहिल्या वाचन फेरीत आवडलेले काही दिवाळी अंक खालील प्रमाणे ---
1."ऋतुरंग",
2. मौज,
3.अंतर्नाद,
4. दीपावली,
5. म.टा.,
6. अनुभव,
7. पुणे पोस्ट,
8. साहित्य सूची,
9. साधना,
10. कालनिर्णय,
11. अक्षर,
12. मुक्त शब्द
13. ललित,
14. लोकसत्ता,
15. मेहता ग्रंथ जगत
16. शब्दाई पत्रिका,
17. साप्ताहिक सकाळ,
18. चिंतन आदेश,
19. पुण्यभूषण,
20. आपले वाड्मय वृत्त.
..............................