36 खंडातलं आत्मचरित्र लिहून अवचटांनी केला विश्वविक्रम

डॉ. अनिल अवचट म्हणजे व्यक्तीचित्रांचे बादशहा.
एखादा नामवंत छायाचित्रकार ज्या नजाकतीनं उत्तम छायाचित्र टिपतो
तसं अतिशय मार्मिक व्यक्तीचित्र अवचट रेखाटतात.
त्यांचं व्यक्तीचित्रांचं 36 वं पुस्तक वाचतोय.
"जिवाभावाचे"
सुनंदाला आठवताना हा या पुस्तकातला मास्टरपीस.
डॉ. सुनंदा अवचट या अतिशय कर्तबगार महिला होत्या.
त्यांचा झपाटा, सामान्यांविषयीचा कळवळा, अफाट कार्यनिष्ठा यांना सलाम.
आजारपणानं त्या अकाली गेल्या.
त्यांचं स्मरण नेहमीच खुप बळ देतं. उर्जा देतं.

अवचटांनी चितारलेल्या व्यक्तीचित्रात स्वाभाविकपणे अवचट दिसतातच.
एका अर्थानं ते त्यांचं आत्मचरित्र असतं.
या अर्थानं 36 खंडातलं आत्मचरित्र लिहून त्यांनी विश्वविक्रम केलाय.
अवचटांच्या आत्मचरित्राचे शतक पुर्ण होणर बहुधा.
व्यक्तीचित्रांचे हे 36 खंड सोडले तर अन्य सहासात महत्वाची पुस्तकंही त्यांनी लिहिलीत.
माणसं, हमीद, वाघ्यामुरळी, धागे उभे आडवे, संभ्रम, कोंडमारा, गर्द,.
स्वत:विषयी पासून गेले 36 खंड ते सलग आत्मचरित्रच लिहित आहेत.

-प्रा.हरी नरके