Sunday, May 18, 2014

मंडल ते मोदी



हे छायाचित्र आहे, मंडल आयोगाची अंमलबजावणी त्वरित झाली पाहिजे या लढ्याबद्दल आदरणीय नानासाहेब गोरे यांच्या हस्ते झालेल्या माझ्या सत्काराचे. मंडल आयोगाचा अहवाल १९८० साली आला. त्यावेळी त्याची अंमलबजावणी झालीच पाहिजे, देशातील मजूर, कामगार, कष्टकरी असलेल्या अठरा अलुतेदार-बारा बलुतेदार, ओबीसी वर्गाला न्याय आणि घटनात्मक संरक्षण मिळाले पाहिजे यासाठी आम्ही वयाच्या अवघ्या १७/१८ वर्षाचे असताना संघर्ष करीत होतो.गंमत बघा, त्यावेळी ज्यांचा याला उघड आणि संपुर्ण विरोध होता त्यांनी विरोधासाठी सगळे मार्ग वापरून पाहिले. सतत दहापंधरा वर्षे त्यांचे हे फंडे यशस्वी होत नाहीत असे बघून त्यांनी आपली रणनीती बदलायचे ठरवले. त्यावेळी मंडल पर्वाला प्राणपणाने विरोध करणारे पुढे इतके बदलले की त्यांनी मंडल कार्ड वापरून आज देशात संपुर्ण बहुमत मिळवले. मंडल ते मोदी याप्रवासाचे स्मरण देणारे हे छायाचित्र. एक ओबीसी {तेली समाजाचा} माणूस देशाचा पंतप्रधान होत असताना त्या सगळ्या आठवणी दाटून आल्या.....दुसरे काय म्हणणार? "कालाय तस्मै: नम:! नमो नम:!"